Na ABE gústanos innovar e darlle ás voltas a todo, incluso aos eventos mais consolidados como pode ser a Noite Aberta.
Nesta ocasión o facemos cun progama doble especial para os clientes e visitantes que veñan a Boiro este venres e sábado xa que xuntamos o Black Friday e a noite Aberta de Boiro nun finde especial de compras e ocio.
Arrancamos o venres co Black Friday no que, grazas ao Concello de Boiro, estrearemos a iluminación do Nadal para dar un ambiente festivo ás nosas rúas. Ademais durante todo o día os comercios participantes terán incribles descontos para os clientes.
Continuamos o sábado cunha nova edición da Noite Aberta de Boiro un evento singular que xunta comercio, cultura e entretemento nunha xornada festiva.
Os descontos dos comercios tamén serán durante toda a xornada e complementaranse coas actividades especiais tanto dentro coma fora dos establecementos.
Para que non vos perdades nada a ABE editou un folleto con todos os comercios, descontos e actividades que podedes consultar neste enlace
Nesta edición especial participan 34 comercios con descontos que poden acadar ata o 60 % !!!!
NOVIDADE, COMPOÑENTE SOLIDARIO
Ademais a ABE xunto cos comercios vai a poñer o seu graniño de area a prol da campaña contra a eliminación da violencia cara a muller, cuio día internacional é xustamente o sábado 25.
Para elo a ABE uniuse de xeito oficial á campaña que puxo en marcha a Secretaría Xeral das Nacións Unidas a través do seu departamento UNiTE to End Violence Against Women e na que imos a axudar a pintar o mundo de laranxa para poñer fin á violencia contra mulleres e nenas.
Deste xeito a ABE deseñou uns carteis en tons laranxas, cos logotipos e hashtags da ONU a nivel mundial para, por unha banda visibilizar este problema e por outra para que os clientes dos comercios poidan realizar fotos destes carteis, subilos ás súas redes sociais cos hashtag #16days e #orangetheworld e axudarnos a pintarnos o mundo de laranxa.
Ademais a ABE esta durante todo este mes utilizando os logotipos oficiais da ONU en tódalas campañas de promoción que desenvolvemos.