#sonBoiro

Bonos Regalo ABE

Os Bonos Regalo da Asociación Boirense de Empresas (ABE) son unha opción flexible para agasallar, permitindo aos destinatarios elixir entre unha ampla variedade de produtos e servizos ofrecidos polos máis de 200 negocios asociados á ABE.

Estes bonos están dispoñibles en múltiplos de 5 euros e preséntanse nunha caixa personalizada que inclúe:

• Os vales de compra.
• Un código QR para acceder á información dos negocios asociados.

Como podo mercalos?

Podes mercar os bonos chamando ao 981 847 888, ou visitándonos en Avda. Constitución 85, Ent A. Se o prefires, podes reservalos para recollida ou solicitalos a domicilio realizando o pago por transferencia.

Tamén podes solicitalos a través do seguinte formulario:

Vantaxes

• Adaptados a todos os gustos e necesidades.
• Apoian o comercio local, beneficiando ás empresas e á comunidade de Boiro.
• Solucionan o dilema de que regalar, garantindo sempre un acerto.
• Pero, sobre todo… ¡estás regalando BOIRO!
  
  

Como funcionan?

• Cada bono inclúe unha caixa personalizada con vales de 5 € e un código QR para consultar o listado de negocios.
• O comprador escolle o importe do bono en múltiplos de 5 €.
• O cliente só ten que usar os vales como billetes que non teñen caducidade.
  
  

Onde podo gastalos?

• Os bonos poden utilizarse en calquera dos máis de 200 negocios asociados á ABE : desde alimentación, moda e viaxes ata servizos como perruquerías, clínicas ou seguros. Tamén inclúen hostalaría, fogar, ferretería e moito máis.
• A oferta é enorme e cada día amplíase con novos negocios que queren formar parte da iniciativa.