Bases e funcionamento Puntos ABE

O programa de fidelización de puntos ABE é unha promoción pola que as compras realizadas nos establecementos asociados á ABE transfórmanse en puntos canxeables por regalos do catalogo de premios da Asociación Boirense de Empresas , con CIF G-15326820 y domicilio en Avda Constitución 85 entrechán A de Boiro (A Coruña)

Como funciona?

  • Cando se realiza unha compra nun establecemento asociados a ABE o cliente ten a posibilidade de rexistrar o tícket ou a factura desa compra na web www.abe.gal
  • O cliente debe introducir o seus datos, correo electrónico, o nome do establecemento onde mercou e o importe da compra xunto cunha foto do tícket/factura.
  • O sistema de fidelización rexistrará esa compra e transformará o importe en puntos.
  • Ao longo do tempo o cliente pode ir introducindo tíckets/facturas das súas compras e os sistema os irá sumando a súa conta, sempre vinculada ao correo electrónico do cliente.
  • Non se precisa rexistro, o sistema garda os puntos de cada cliente vinculados ao seu correo electrónico.
  • Entendese que cada correo electrónico é un cliente e non se poden sumar puntos de diferentes correos electrónicos.


Cada vez que o cliente rexistre un tícket o sistema envíalle un correo electrónico que lle indica:

  1. Que o tícket foi correctamente rexistrado.
  2. Os puntos que acadou con ese tícket.
  3. O saldo acumulado de puntos.
  4. Un link ao catálogo de agasallos.
  5. Información de como canxear os puntos.

Sistema de puntos

Por norma xeral a suma de puntos será o 10% do importe do tícket co límite máximo de 30 puntos por tícket independentemente do importe total do mesmo.
Solo sumarán puntos os tíckets/facturas de establecementos asociados e que na foto subida se poida identificar claramente a data, o nome do establecemento e o importe do mesmo.
Non se admiten tíckets/facturas duplicadas nin o rexistro do mesmo tícket por diferentes usuarios.
En ocasións especiais a ABE lanzará promocións onde se poidan conseguir mais puntos polas compras realizadas. Tamén poderanse realizar sorteos de puntos en datas sinaladas entre todos os usuarios do sistema de fidelizacións.

Caducidade de puntos

Os puntos acumulados e non cambiados teñen caducidade.
Os puntos de cada ano caducan o 31 de marzo do ano seguinte, esta data será o último día para utilizar os puntos do ano anterior.
Pasada esa data o sistema elimina todos os puntos non cambiados do ano anterior e matén o usuario e os puntos do ano en curso.

Catálogo de premios

Os puntos acumulados polos clientes servirán para cambialos por agasallos do catálogo de puntos ABE.
Cada agasallo ten un valor en puntos.
Cando o cliente reúna a cantidade suficiente de puntos pode solicitar o cambio dun agasallo.
As unidades son limitadas, se o produto solicitado está esgotado a ABE informará ao cliente para que elixa outro dentro dos dispoñibles nese momento no catálogo.
Os agasallos irán variando no tempo e o catálogo estará sempre actualizados na web www.abe.gal

Cambio de puntos por premios

Cando o cliente teña os puntos necesarios e queira canxealos por un agasallo deberá utilizar ben o formulario específico que aparece na web da ABE e nos correos solicitando o canxe e indicando o agasallo que quere.
A ABE, unha vez revisada a petición, porase en contacto co cliente para indicarlle como e cando pode pasar a recoller o seu premio (a mecánica habitual será a recollida do premio na sede da asociación pero ante casos especiais pódese buscar alternativas)
Recepción da solicitude de canxe>comprobación do saldo> comprobación de que o produtos solictado está no catálogo> confirmación ao cliente> recollida

Unha vez recibido o premio NON SE PODE CAMBIAR NIN DEVOLVER.

Revisión dos puntos

O sistema asigna automáticamente os puntos unha vez que o cliente rexistra o tícket pero cando se solicita un canxe, a ABE revisa manualmente todos os tíckets do usuario para comprobar que non existen erros como, por exemplo, tickets duplicados ou de negocios non asociados. Por este motivo, pode ser que o saldo que inicialmente tiña acumulado o cliente varie unha vez revisado manualmente. En todo caso, avisarase ao usuario e prevalecerá sempre o dato final resultante da revisión manual.

Límite de cambio de premios

O cliente, independentemente dos puntos que teña, so pode solicitar o cambio de 1 premio durante o mes en curso.
Se tivera puntos para realizar mais cambios poderá solicitar o cambio de agasallo nos meses posteriores pero sempre a razón de 1 agasallo cada mes.
No momento do cambio o sistema o fai sempre por tíckets completos polo que sempre que non coincida unha suma de tíckets igual a do cambio dos puntos o sistema redondea cara arriba utilizando todo o valor do tícket (nesta situación a ABE pode compensar ao cliente restaurando total ou parcialmente os puntos perdidos pero ten que ser a indicación do cliente xa que o sistema por defecto non avisa)

Detección de fraudes

Cando a ABE detecte que o rexistro de tíckets poida ser fraudulento (por exemplo que non correspondan a compras realizadas pola persoa que os rexistra,  ou cando se detecte que dende o negocio estánselle facilitando tíckets de compras de terceiros a unha determinada persoa ou que se rexistren estes tikets por empregados dese negocio) eliminaranse eses rexistros e incluso poderán eliminarse da aplicación tanto ao usuario que os rexistra como a empresa ou traballador que os facilita.

Participación de socios ABE

Está permitida a participación na campaña dos socios da ABE por compras realizadas en establecementos que non sexan da súa propiedade. Os tickets do propio establecemento non se permiten rexistrar coa finalidade de salvaguardar a imaxe da ABE e dos propios asociados frente ao resto de clientes.

Legal

A participación na campaña supón a aceptación das bases así como a autorización dos premiados a utilizar a súa imaxe aos efectos de publicidade dos resultados da campaña.
A organización reservase o dereito de modificar as presentes bases, sen incorrer en ningunha responsabilidade.

BOIRO XOGA. A gran partida do comercio local

1. Organización

A campaña BOIRO XOGA. A gran partida do comercio local está organizada pola Asociación Boirense de Empresas (ABE), co obxectivo de fomentar o consumo no comercio, hostalería e servizos asociados do municipio de Boiro mediante unha acción de dinamización comercial de carácter lúdico e participativo.

2. Duración

A campaña desenvolverase entre o 5 e o 19 de setembro de 2026, ambos incluídos.

As actividades programadas realizaranse conforme ao calendario oficial publicado pola ABE.

3. Ámbito de participación

Poderán participar todas as persoas maiores de idade, así como as persoas menores acompañadas dunha persoa responsable, que realicen compras nos establecementos adheridos á campaña.

4. Obtención do xogo BOIRO XOGA

Durante a campaña, o xogo poderá conseguirse a través do programa de fidelización da ABE.

As persoas participantes deberán rexistrar os seus tickets de compra en www.abe.gal, acumulando puntos equivalentes ao 10 % do importe das compras.

Durante a campaña, o custo será de 300 puntos por exemplar.

Unha vez finalizada, o custo pasará a ser de 500 puntos.

A entrega realizarase ata esgotar as existencias dispoñibles.

5. Xogo online

Durante a campaña estará dispoñible un xogo online accesible desde a web da ABE e mediante os códigos QR situados nos distintos soportes promocionais.

A participación será gratuíta.

Ao remate da campaña, as tres persoas participantes que obteñan a mellor puntuación recibirán un exemplar do xogo BOIRO XOGA.

6. Festa final

A festa final celebrarase o 19 de setembro de 2026 na Praza do Concello de Boiro.

Durante a xornada desenvolveranse actividades familiares, degustacións gastronómicas, animación musical, parque de inchables e o gran panel de premios da campaña.

7. Sistema de vales

Os establecementos participantes entregarán un vale por compras superiores a 20 €, ata esgotar as existencias. Para esta finalidade editaranse 15.000 vales.

Ademais, durante a festa final habilitarase un punto de intercambio onde as persoas consumidoras poderán obter vales adicionais presentando tíckets de compras realizadas durante o período da campaña, ata esgotar os 5.000 vales destinados a esta acción.

Cada vale permitirá participar nunha única actividade.

Cada participante poderá decidir libremente o destino dos seus vales entre as diferentes actividades programadas.

8. Panel de premios

Cada vale destinado ao panel dará dereito a unha única tirada dos dados xigantes.

Cada participante poderá realizar un máximo de dúas tiradas durante toda a xornada.

O premio obterase en función da suma resultante dos dous dados e corresponderá á casilla indicada no panel de premios.

Os premios entregaranse no mesmo momento da participación e serán 2.000€ en bonos ABE e 100 xogos. ( 200 de 5 e 100 de 10 €)

A organización informará de forma visible dos premios dispoñibles e daqueles que vaian sendo entregados durante a xornada, ata o seu esgotamento ou ata a finalización da actividade.

Cada participación no panel xerará unha papeleta numerada para participar no Sorteo Final do Bote.

Ao remate da actividade do panel, todos os Bonos ABE que non fosen entregados durante o desenvolvemento do xogo acumularanse nun único bote final.

O sorteo realizarase de forma presencial e pública, mediante a extracción aleatoria das matrices correspondentes ás papeletas entregadas durante a xornada.

Para resultar gañadora, a persoa titular da papeleta extraída deberá estar presente no momento do sorteo e acreditar a posesión da papeleta orixinal.

No caso de que a persoa titular da papeleta extraída non se atope presente ou non presente a papeleta correspondente, a extracción considerarase nula e procederase inmediatamente á extracción dun novo número, quedando automaticamente anulados os anteriores.

O proceso repetirase tantas veces como sexa necesario ata que exista unha persoa gañadora que cumpra os requisitos establecidos.

A persoa gañadora recibirá a totalidade dos Bonos ABE que integren o bote final.

9. Degustacións

Cada vale dará dereito a unha degustación.

Cada participante poderá retirar un máximo de dúas degustacións por quenda, podendo volver participar facendo novamente a cola correspondente.

10. Inchables

Cada vale permitirá un único acceso ás atraccións inchables.

A organización poderá limitar o tempo de permanencia nas atraccións co fin de facilitar a participación do maior número posible de persoas.

11. Protección de datos

Os datos persoais facilitados durante a campaña serán tratados pola Asociación Boirense de Empresas exclusivamente para a xestión da promoción, entrega de premios e comunicacións relacionadas coa campaña, de conformidade co Regulamento (UE) 2016/679 e coa Lei Orgánica 3/2018, de Protección de Datos Persoais e garantía dos dereitos dixitais.

As persoas participantes poderán exercer os seus dereitos de acceso, rectificación, supresión, oposición, limitación e portabilidade mediante comunicación dirixida á Asociación Boirense de Empresas.

12. Aceptación das bases

A participación na campaña implica a aceptación íntegra das presentes bases.

A organización resérvase o dereito de interpretar o seu contido e resolver calquera incidencia non prevista, adoptando as decisións que considere necesarias para o correcto desenvolvemento da campaña.

13. Modificacións

A Asociación Boirense de Empresas poderá modificar aspectos organizativos da campaña por causas de forza maior, seguridade ou interese xeral, comprometéndose a comunicalo polos seus medios oficiais.

14. Publicidade dos premios

As persoas premiadas autorizan, salvo manifestación expresa en contrario, á Asociación Boirense de Empresas a utilizar o seu nome e imaxe para fins exclusivamente informativos e promocionais relacionados coa campaña, sen dereito a contraprestación económica.

15. Resolución de incidencias

Calquera situación non prevista nas presentes bases será resolta pola organización, sendo as súas decisións vinculantes para todas as persoas participantes.