ABE E CRUZ VERMELLA BORIO ASINAN UN ACORDO DE COLABORACIÓN
- O obxeto do Convenio é articular a colaboración entre as entidades
- A ABE consolida a sua liña de traballo con outras entidades sociais do municipio e amplia o catálogo de servizos para os seus asociados
Boiro 10 de maio de 2022
Na mañá de hoxe a ABE e a asemblea local da Cruz Vermella de Boiro asinaron un importante convenio de colaboración que recolle a intención de ambas entidades en explorar liñas de traballo comuns.
Ao acto de sinatura asistiron por parte da ABE o Presidente e o Xerente, Daniel García e Tomás Estévez, respectivamente e por parte de Cruz Vermella o vicepresidente, Ricardo López Triñanes e a coordinadora local, Natalia Romero.
En palabras do presidente da ABE “o obxeto do presente Convenio é articular a colaboración entre as entidades para establecer un punto de encontro que contribua á difusión e mellora dos programas sociais así como a posta en marcha doutros que poidan acordarse entre as partes”
Entrando en detalle o xerente da ABE, Tomás Estévez detallou algúnha das liñas de traballo que se van a desenvolver como “Compartir información, orientación e asesoramento, establecer canles de coordinación entre os asociados/usuarios de ambas entidades ou fomentar a realización de prácticas de carácter laboral nas empresas asociadas”
Pola sua banda o vicepresidente de cruz vermella, amosou a sua satisfacción pola sinatura deste acordo que servirá, entre outras cousas para “Captar e fomentar o acceso de potenciais usuarios aos servicios de cruz roxa Boiro, realizar (de forma conxunta) accións de carácter social no municipio ou fomentar a inclusión laboral dos usuarios de Cruz Roxa Boiro no tecido empresarial Boirense”
Con este acordo a ABE consolida a sua liña de traballo con outras entidades sociais do municipio e amplia o catálogo de servizos para os seus asociados ao incluir a posibilidade de que as empresas acollan traballadores en practicas ou contratados que proveñan de colectivos en risco de exclusión e que se poidan beneficiar das axudas e bonificacións que a Xunta ten en vigor para estes colectivos.
Saúdos
Prensa ABE