Finalizado o prazo de votacións e realizado o pertinente reconto a ABE anuncia os gañadores dos Premios ABE deste ano.

• Mellor comercio do ano 2019. Supermercado Claudio – A tenda de Pepa
• Mellor empresa do ano 2019. Studio Moai

En total recibíronse 327 votos válidos, na categoría de mellor comercio recibiron algún voto 36 establecementos diferentes e na de mellor empresa 33.

Os votos dos tres primeiros de cada categoría foron os seguintes:

•  Mellor comercio; Supermercado Claudio A tenda de Pepa (19), The Desire Shop (14), Cetarea Angel Mar (12)
•  Mellor empresa; Studio Moai (22), Ginlab (12), Restaurante Moanin (12).

Lugar e Data de entrega de premios

O evento de entrega de premios celebrarase no salón de actos da sede da ABE o xoves 12 de decembro ás 20:30 horas. Aproveitaremos o acto para celebrar xunto cos socios, colaboradores e amigos o ACCESIT AO PREMIO NACIONAL DE COMERCIO 2019.

O acto seguirá o seguinte programa:

20:30  Benvida.

20:45 Discurso presidente ABE.

20:50 Celebración do Accesit ao premio nacional de comercio - Proxección vídeo co que imos a recoller o galardón

21:00 Entrega III Premios ABE

Mellor comercio 2019 Supermercado Claudio – A tenda de Pepa

Mellor empresa 2019 Studio Moai

21:30 Pincho

Supermercado Claudio – A tenda de Pepa

En setembro de 1970 abría súas portas “A Tenda de Pepa” como lugar de abastecemento e á vez de encontro social dos seus veciños.

En “A Tenda de Pepa” adaptámonos aos novos tempos, ampliando e actualizando as nosas instalacións e servizos; pero mantendo esa esencia e filosofía de tenda de barrio, de lugar de encontro e de atención personalizada.

Este año vimos de celebrar o  15 Aniversario da man de Claudio, alianza que nos permite dispoñer dun dos maiores surtidos da zona, ser pioneiros en organizar repetidas veces festivais de música, maxia e humor para celebrar os nosos Aniversarios e Sorteos onde os clientes foron premiados cun coche, viaxes, cheques de 4.000 e 8.000 € etc.

En definitiva participar da vida cultural e deportiva do noso pobo.

Studio Moai

Studio Moai é o proxecto de Moisén Picón, Arquitecto de interiores, e varios colaboradores que están en continua búsqueda de novos retos profesionais.

Calquera pequeno detalle ou idea por pequena que poida parecer é importante para un proxecto persoal, a comunicación facémola fluída e eficaz para que non quede nada ao azar. Humildade, talento, un bo equipo así como a satisfacción dos nosos cliente abálannos. 

Dispoñemos dos medios, equipos, colaboradores e recursos técnicos necesarios para executar o proxecto á medida das necesidades do cliente con total garantía e sen maiores preocupacións que o cumprimento dos prazos de entrega.