Xa temos gañadora do premio de 1.000 € que sortearon as ESCOLAS DE FÚTBOL DE BOIRO e que recaeu en DOÑA MARÍA HERMO.

Hoxe pola mañá José Maneiro, presidente das escolas de fútbol de Boiro e Javier Caamaño vicepresidente da ABE fixeronlle entrega do mesmo.

O premio consiste en 1.000€ en vales de compra para gastar nos comercios asociados á ABE. María xa ten no seu poder os vales de compra e o listado de socios nos que pode facelos efectivos dende hoxe ata o 28 de febreiro.

Recordar que esta iniciativa encádrase nunha das liñas estratéxicas da ABE que é tratar de difundir e facer pedagoxía sobre a importancia de consumir no noso entorno mais inmediato así como tratar de favorecer unha economía circular na que os veciños dunha determinada localidade consumamos uns aos outros.

Froito do traballo realizado pola ABE neste sentido saen campañas tan chulas como o Sueldazo ABE (aínda vixente), o sorteo de agasallos coas cartas aos reis magos deste sábado 4 ou esta colaboración  coas escolas de fútbol de Boiro.

Cada ano as ESCOLAS MUNICIPAIS DE FUTBOL de Boiro venden rifas para recadar fondos para as súas actividades e sortean diferentes premios. Este ano e fruto das xestións da ABE e a excelente predisposición dos dirixentes das escolas o premio a sortear foi, por segunda vez,  1.000 euros en vales de compra para gastar nos negocios asociados a ABE.

Sen dúbida unha excelente noticia para o comercio local non so polo importe económico que agora revertirá nos asociados senón tamén como mostra de economía circular, apoio á economía local e tamén como exemplo para os mais cativos da casa que en último termino son os que fan a venta das rifas.

Moitas gracias as escolas municipais de futbol de Boiro !!!!