Utilizamos cookies de terceros para mejorar continuamente nuestros servicios. Si continúas navegando aceptas el uso de éstas.   Saber máis - Aceptar.

© Asociación Boirense de Empresarios. T: 981 847 888

https://www.facebook.com/asociacionboirensedeempresarios/https://twitter.com/empresasboirohttps://es.linkedin.com/in/empresariosboirohttps://www.youtube.com/user/boiroaberto

 

A ABE PARTICIPA NO ESTUDO SOBRE O TERRITORIO QUE ELABORA A REDE DE POLOS DE EMPRENDEMENTO DA XUNTA DE GALICIA

 

  • A Rede de Polos de Emprendemento é unha iniciativa da Consellería de Promoción de Emprego e Igualdade.
  • A patronal de Boiro aporta a súa visión sobre as necesidades do territorio e das empresas nel situadas.
  • A potenciación e creación de infraestruturas turísticas, a creación de chan industrial a mellora das infraestruturas de transporte e a diversificación dos sectores produtivos son algunhas das propostas remitidas.

Boiro 27 de setembro de 2023

A Rede de Polos de Emprendemento e Apoio ao Emprego é unha iniciativa da Consellería de Promoción de Emprego e Igualdade que traballa para impulsar e consolidar proxectos de Emprendemento que teñan unha vinculación coa súa contorna.

Na actualidade existen 8 polos de Emprendemento repartidos pola xeografía galega e a ABE está enmarcada na área de actuación do Polo Costa da Morte que abrangue as comarcas de Bergantiños, Fisterra, Soneira, Barcala, Xallas, Muros, Noia e Barbanza.

O traballo dos polos vai en paralelo cunha das liñas de actuación prioritarias para a patronal de Boiro que consiste en apoiar a persoas emprendedoras e a empresas , no caso dos polos o realizan a través dun acompañamento e asesoramento continuado, unha metodoloxía común validade e adaptada a cada proxecto e titorizada con profesionais de primeiro nivel.

Para levar este proxecto acabo é esencial coñecer o territorio e por isto estase a elaborar un estudo no que participan entidades representativas do territorio, como é o caso da ABE, coa finalidade de poder coñecer mellor tanto o territorio como as necesidades do mesmo, así como das empresas que existen nel.

Propostas da ABE

Entrando en detalle a asociación de emprearios de Boiro aporta a súa visión sobre as necesidades do territorio e como indica o presidente, Daniel García “as principais son a potenciación e creación de infraestruturas turísticas, a creación de chan industrial a mellora das infraestruturas de transporte e a diversificación dos sectores produtivos” entre outras que se trasladaron no documento. 

No tocante ás necesidades das empresas “a ABE quixo poñer o foco na necesidade de flexibilizar e axilizar os trámites e os procesos administrativos, contar unha maior información e comunicación coas administracións públicas e a posta en marcha de novas liñas de axudas para o sector empresarial”

Para finalizar a ABE amosou a súa disposición a colaborar coas iniciativas prantexadas pola rede  e tamén a necesidade da creación dun polo propio en Barbanza para que poida estar mais preto do territorio ao contar a comarca cun importante número de empresas e unha actividade económica puxante.

 

https://polosemprendemento.gal/