Este xoves 9 tivo lugar a segunda quedada organizada pola Asociación Galega de Xestores culturias na que visitaron diferentes localizacións da comarca para ver de primeira man os proxectos culturais que aqui se organizan.

 

Visitaron o Museo das Artes do Gravado de Riveira da man de Pastor Rodríguez, o seu director. Fondos abraiantes para un museo de referencia no seu ámbito en Europa e que conta cunha colección espléndida. Como despedida do museo, a biblioteca, un espazo fundamental para a arte do gravado.

 

A segunda parada foi en Boiro con visita ao Pazo de Goiáns e presentación de proxectos; na mesa redonda participaron, Susana Diz que falou de Olloboi (festival de cine escolar referente en Galicia), Eva Triñanes de Mar de Cabo e o xerente da ABE, Tomás Estévez  que explicou como xurdiu o Pecha Kucha Boiro e a relación que teñen as empresas boirenses coa cultura. Deu a benvida a concelleira María Outeiral, que participou da visita e da conversa.

 

Despois de xantar, última visita en Noia. ao coliseo Noela para coñecer as "tripas" da Mostra Curtas Noia co seu director e técnico Juan Ramón Vidal.