A ABE RECIBE AUTORIZACIÓN PARA AMPLIAR HORARIOS DA HOSTALERÍA EN SEMANA SANTA
- A hostalería de Boiro poderá ampliar o seu horario en 2 horas
- O colectivo valora moi positivamente o traballo da ABE a prol do sector
Boiro 7 de abril de 2022
A ABE, como representante maioritario do tecido empresarial de Boiro presentou unha solicitude para que se autorice, con carácter xeral, a ampliación dos horarios de peche dos establecementos abertos ó público, así como de finalización dos espectáculos públicos e das actividades recreativas durante a Semana Santa 2022.
A petición foi atendida polo Concello de Boiro que autorizou, con motivo da celebración das festas de Semana Santa con carácter xeral en todo o municipio, a ampliación en dúas (2) horas dos horarios xerais de peche dos establecementos abertos ó público, así como de finalización dos espectáculos públicos e das actividades recreativas, dende o día 10 ao día 17 de abril de 2022, ambos incluídos.
Os representantes do sector hostaleiro da ABE, especialmente os de ocio nocturno, valoraron “moi positivamente esta ampliación e o traballo da ABE para co noso sector que foi un dos mais damnificados coas medidas restritivas pola covid19”
*Esta petición veu motivada polo artigo 9 da Orde de 23 de outubro de 2020 pola que se determina o horario de apertura e peche dos establecementos abertos ao público e de inicio e finalización dos espectáculos públicos e das actividades recreativas (DOG do 30 de outubro de 2020 nº 219) que indica que os concellos poderán ampliar para todo o seu termo municipal ou para zonas concretas deste os horarios xerais de peche dos establecementos abertos ao público, así como de finalización dos espectáculos públicos e das actividades recreativas, durante a celebración das festas e verbenas populares, do Entroido, da Semana Santa e do Nadal, facendo compatible, en todo caso, o seu desenvolvemento coa aplicación das normas vixentes en materia de contaminación acústica.