A ABE TRAMITA AS AXUDAS EN ESPECIE DO CONCELLO DE BOIRO

 Realizáronse 41 tramitacións

• A xestión integral das axudas é gratuíta para os socios

Boiro 26 de setembro de 2022

O pasado venres remataron os 10 días naturais do prazo para realizar a solicitude de adhesión axudas en especie da orde ministerial de promoción do comercio ao abeiro dos fondos next generation.

Entre as actuacións subvencionables estaban os servizos posicionamento SEO e envíos por mensaxería o reparto de bolsas reciclables, envases e outros elementos compostables ou mesmo actividades de formación en marketing dixital.

As axudas estaban destinadas a todo tipo de empresas sendo algunhas das partidas específicas para sectores concretos.

Dende a ABE, como especialistas en subvencións, realizamos a tramitación e Xestión integral dos expedientes de axudas, neste caso foron 41 as empresas que confiaron en nos para realizar as xestións derivadas da solicitude.

Nos vindeiros días o Concello de Boiro resolverá os expedientes e comunicará aos beneficiarios a concesión.