A ABE LANZA UNHA CAMPAÑA ESPECIAL POLO DÍA DO PAI CUN SORTEO DE CAIXAS GOURMET
A iniciativa inclúe o sorteo de cinco caixas gourmet, elaboradas expresamente para a ocasión.
A campaña desenvolverase entre o 6 e o 18 de marzo.
O sorteo terá lugar o 18 de marzo ás 12:00 horas e os premios estarán dispoñibles para a súa recollida o propio Día do Pai.
Boiro 6 de marzo de 2025
A ABE pon en marcha unha nova campaña de promoción co obxectivo de impulsar ás vendas no comercio local e premiar a fidelidade da clientela con motivo do Día do Pai.
A iniciativa inclúe o sorteo de cinco caixas gourmet, elaboradas expresamente para a ocasión compostas por un set de corte de queixo, un queixo galego e un pack de botellas de viño, produtos de alta calidade da praza de abastos de Boiro, que buscan ofrecer un agasallo exclusivo para esta data especial.
Mecánica da campaña
A campaña desenvolverase entre o 6 e o 18 de marzo. Durante este período, as persoas que realicen as súas compras nos establecementos asociados poderán rexistrar os seus tíckets de compra para entrar no sorteo das cinco caixas gourmet.
O sorteo terá lugar o 18 de marzo ás 12:00 horas e os premios estarán dispoñibles para a súa recollida o propio Día do Pai.
Apoio ao comercio local
A ABE con esta campaña busca dinamizar a actividade comercial no municipio, poñendo en valor a calidade dos produtos e servizos dispoñibles nos establecementos locais.
As bases completas da campaña están disponíbles en www.abe.gal
Esta campaña conta coa financiación da Xunta de Galicia.