BIOEUROPE E A POUSADA GAÑADORES DOS PREMIOS DOLMEN
O pasado venres 2 de setembro celebrouse a XXVIII edición da Gran Gala dos premios Dolmen organizados pola FEB.
Nesta ocasión a gala celebrouse no Pazo de Lestrove, Dodro, e asistiron mais de 150 empresarios da comarca.
Dous dos representantes da ABE na ceremonia acadaron o máximo galardón, Bioeurope foi a gañadora na categoría de I+D+I e A Pousada das Ánimas na de promoción turística.
O terceiro representante Boirense, Centro Chakra, resultou finalista na categoría de emprendemento.
Os resultados acadados reflicten a boa saúde do empresariado Boirense, ao que so nos queda que felicitar e animar para que continuen na mesma liña de traballo.