CAMPAÑA DO DÍA DA NAI EN BOIRO

• Os rexistros na web da ABE darán o dobre de puntos para cambiar por agasallos
• A campaña vai do 28 de abril ao 7 de maio
• Sorteanse dous bonos ABE de 50€
• O carné de familia numerosa duplica os premios

Boiro 27 de abril de 2023

A ABE xa ten todo preparado para a súa nova campaña con motivo do día da nai que ten como obxectivos premiar a fidelidade dos clientes e promocionar as vendas nos negocios asociados nesta data tan sinalada.

Nesta ocasión os clientes que realicen as súas compras entre o 28 de abril e o 7 de maio e rexistren os seus tíckets e/ou facturas en www.abe.gal acumularán o dobre de puntos para cambiar polos premios do catálogo.

Durante todo o ano o cliente acumula o 10% do importe do tícket pero durante esta campaña será o 20%.

Recordar que os puntos pódense cambiar por vales de compra (100 puntos por 5€) ou por premios como maletas, carros da compra, auriculares bluetooth , cargadores inalámbricos  e moitos premios mais.

Na web da ABE está tanto o catálogo como a aplicación para rexistrar os tíckets.

Sorteo de bonos ABE

Ademais entre todos os tíckets rexistrados durante estas datas sortearanse dous bonos ABE de 50€ cada un para utilizar en calquera dos negocios asociados.

Estes premios duplícanse se os agraciados contan co carné de familia numerosa.