Utilizamos cookies de terceros para mejorar continuamente nuestros servicios. Si continúas navegando aceptas el uso de éstas.   Saber máis - Aceptar.

© Asociación Boirense de Empresarios. T: 981 847 888

https://www.facebook.com/asociacionboirensedeempresarios/https://twitter.com/empresasboirohttps://es.linkedin.com/in/empresariosboirohttps://www.youtube.com/user/boiroaberto

 

VOLVEN AS QUINCENAS FÁNTASTICAS, A CAMPAÑA DE VERÁN DA ABE QUE REPARTE 3.000 € e 4 BICICLETAS EN PREMIOS

 

  • A campaña desenvolverase entre o 1 de xullo e o 31 de agosto
  • Os premios aumentan en 1.000 € respecto do pasado ano xa que sumase un premio final desa cantidade para un único premiado.
  • As bicicletas están rotuladas co logotipo da Alianza Galega polo clima, entidade á que a ABE pertence dende este mesmo ano.

 

Boiro 29 de xuño de 2023

 

Co inicio do verán volve unha das campaña mais importantes da patronal de Boiro e nesta ocasión con aumento de premios, xa que sortearanse 3.000 € en bonos ABE para mercar en calquera das mais de 200 empresas asociadas e 4 bicicletas, unha por quincena.

A campaña presentouna na mañá de hoxe o presidente da ABE, Daniel García, acompañado do alcalde de Boiro , José Ramón Romero e a localización elixida foi a entrada do mercado municipal onde están colocadas dúas enormes lonas coas fotos dos empresarios locais que protagonizan a campaña Xuntos sumamos.

O presidente explicou que a nova campaña denominada Quincenas Fantásticas “vaise desenvolver entre o 1 de xullo e o 31 de agosto e sortearemos 500 € e unha bicicleta ao remate de cada unha das 4 quincenas, ademais como novidade desta edición un premio final de 1.000 para unha soa persoa”

García quixo destacar que “ dende a ABE fixemos un esforzo por potenciar esta campaña aumentando en 1.000€ os premios da mesma sendo o total de 3.000€ mais as 4 bicis o premio mais alto na historia da asociación nunha campaña que non fora o nadal”

Para participar os clientes deben realizar unha compra en calquera dos socixs da ABE, facer unha foto do tícket ou factura e rexistrala en www.abe.gal

Obxectivos da campaña

O presidente insistiu que esta campaña pretende poñer en valor os negocios asociados nunhas datas nas que Boiro recibe numerosos visitantes amosando a variedade e calidade do tecido empresarial local e o seu dinamismo ademais trata de potenciar as vendas, fidelizar aos clientes e atraer a outros novos atraídos polos premios que se sortean”

Bicicletas e alianza galega polo clima

A ABE no seu compromiso pola sustentabilidade e coidado do medio ambiente aposta polas bicicletas como premio para esta campaña dende a edición do pasado ano.

Este compromiso veuse reforzado este mes de maio xa que foi a primeira entidade empresarial de Galicia en ser admitida na Alianza Galega polo clima e por este motivo as 4 bicicletas que se sortearán luciran o logotipo da alianza así como o lema “Cando pedaleas, todo vai sobre rodas” 

Para finalizar García explicou que “a utilización do logo da Alianza é unha facultade exclusiva dos membros e serve para refrendar a aposta do noso colectivo polo medio ambiente e ademais fan que as bicis da ABE sexan únicas”


Sorteos cada quincena

  1. Tíckets rexistrados do 1 ao 15 de xullo >> sorteo o 17 de xullo
  2. Tíckets rexistrados do 16 ao 31 de xullo >> sorteo o 1 de agosto
  3. Tíckets rexistrados do 1 ao 15 de agosto >> sorteo o 16 de agosto
  4. Tíckets rexistrados do 16 ao 31 de agosto >> sorteo o 1 de setembro

 

A organización reservase o dereito a mover algunha das datas do sorteo se forse preciso o cal o comunicará na web e redes sociais. 

Premios

3000 € + 4 bicicletas

500€ cada quincena + 1 bicicleta

 

  • 1 premio de 250 €
  • 1 premio de 150 €
  • 1 premio de 100 €

 

1.000 € premio final entre os tíckets rexistrados en toda a campaña.


A CAMPAÑA ESTÁ COFINANCIADA POLA XUNTA DE GALICIA