Tralo parón obrigado pola covid do pasado ano retomamos os Premios ABE á excelencia empresarial, os premios nos que os socios da ABE votan entre os compañeir@s para elixir á mellor empresa e ao mellor comercio de 2021.
Como este ano é especial temos varias novidades:
- Non saberemos o nome da empresa e comercio premiados ata o día da gala de entrega de premios. Os 3 mais votados de cada categoría serán finalistas e será na gala cando se desvele o nome dos gañadores. Os finalistas tamén recibirán un recoñecemento.
- Implantamos un novo premio Honorífico que elixirá a directiva da ABE. Nesta categoría destacase ao empresario que a súa xestión representara un exemplo para os emprendedores da localidade e que a empresa tivera xerado riqueza e emprego en Boiro.
- A gala deste ano celebrarase na Pousada da Galiza Imaxinaria.Faise alí por dous motivos: para ter mais aforo, poder gardar distancia de seguridade entre os asistentes e como mostra de apoio ao sector do ocio nocturno, un dos mais danados pola covid.
- O prazo de votacións vai do 19 de outubro ao 8 de novembro.
- 9 de novembro anunciaremos os finalistas e o premio de honra.
- A gala terá lugar o xoves 18 de novembro a partir das 20:30 horas na Pousada da Galiza Imaxinaria.
- Na gala contaremos con presentador, monologuista, photocall, música, comida e bebida para celebrar a gran festa dos socios e socias da ABE.